Dota bintang kabeh:Kael, le ngetokke jurus (Invoker). Season 2

Iki bagian keloro seko paper Dota bintang kabeh sing ngetoke jurus opo gampangane invoker, neng bagian iki bakal dijelaske siji-siji jurus sing iso digunakke pahlawan siji iki nggo merangi anarki lan korupsi (asline ora) lan ugo element-element sing kudu dinggo ben kowe iso ngetokke jurus kuwi. Kuwi kudu diapalke koyo pas kowe mbiyen entuk pelajaran PPKN neng SMP mergo kuwi iso dadi sing nyelametke kowe neng pas situasi genting, nek kowe salah ngetokke jurus rak yo ujung-ujunge misuh sing marai nambah dosa, dadi dolanan iki asline yo marai moral bangsa iki medun drastis. Sing nulis was gur iso ngelus dada pas ono cah cilik SD misuh2 pas dolanan Point Blank, A*U,Bajing*n,(sensor), neng iki ketoke wes out of topik dadi wes wae.

Iki jurus-juruse invoker, jeneng latine, njuk jeneng jawane;

1. Cold Snap (Slentikan Es) , Quas, Quas, Quas

Gambare cen koyo setan, opo nek kowe moco komik sing jenenge Bleach iki koyo topenge Hollow.  Ceritane neng jurus iki Invoker nyelentikke jarine (neng musuhe lah), njuk musuhe bakal keno serangan es cilik-cilik.  Nek musuhe diantil pas ono es e kuwi es e dadi njebluk(asline ora ono) lan musuhe bakal loro, metu getih, moncrot-moncrot, lan mati(muga-muga). Dadi jurus iki medeni banget, nek ono koncomu sing ngewangi ngantil.

2. Ghost Walk (Setan Mlaku) Quas, Quas, Wex

Nek iki cen gambare Invoker, neng diedit nggo photoshop. Seko jenenge kuwi Ghost Walk(Setan Mlaku), dadi Invokere dadi setan gentayangan. Maksude gentayangan kuwi ora iso didelok musuhe, neng koncone yo iso ndelok. Jurus iki iso dinggo nggo ngintip musuh(ora sing gek adus cethone) lan yo nggo mlayu. Jo lali nek kowe durung munggahke levele Wex kowe mlakune dadi alon BGT, Kowe ilange suwi banget, sak menit kliwat tiga puluh menit, dadi iso dinggo dolan ning kamar mandi sikik.

3. Tornado (Puting beliung,ora reti jawane soale) Wex Wex Quas

Gambare iki cen puting beling, lha jurus iki cen marai puting beliung opo Tornado. Dadi Invoker munculke puting beliung sing diarahke neng musuhe, wangune nek koncone keno ora melu mabur. Asline kata "mabur" kuwi kurang pas, ketoke mencelat luwih apih, lha gur rung detik paling suwi, wes ngono yo ora loro2 banget, asline ben gayeng ngisore kudu dipasang watu ben nek do tibo musuhe ndase do bocor njuk modyar.

4. EMP (Gelombang elektromagnetik) Wex Wex Wex

Sing nulis ora duwe ide blas-blasa iki jowone opo, lha wong mbiyen dudu seko jurusan IPA (mbuh nyambung opo ora), dadi Invoker kuwi manipulasi partikel-partikel magnetik lan di gawe njebluk, dadi koyo ora seimbang ngono lah. Neng dolanan iki jurus iki dinggo nggo nyedot Mana ne musuhe ben musuhe ora iso ngetokke jurus-jurus pamungkas. Eleke iki ora langsung njebuk, rak yo musuhe do minggat sikik to? Dadi kowe kudu iso nganggo trik-trik ben jurus iki iso keno pas musuhe.

5. Alacrity  Wex Wex Exort

Ora duwe ide meneh iki jowone opo, neng intine jurus iki marai Invoker ngantile soyo cepet lan soyo loro. Kok iso? Kuwi mergo jurus iki ningkatke refleks dadi awake soyo joss. Ora mung iso dinggo neng Invoker ae, ning yo iso nggo konco-koncomu. Sayange ora iso dikekke ning musuh, neng iso mesti tambah gayeng.

6. Chaos Meteor (Meteor Goro-Goro/Meteor Kisruh) Wex Exort Exort

Gambare koyo meteor, nek kowe ora tau ndelok yo nyetel ae film Armageddon, meteor iki ora gedhe-gedhe banget, ora iso marai kiamat koyo pas jaman dinosaurus, neng yo neng dolanan iki mlebu gedhe lan loro buanget (nek keno loh), Jajal ae pas ono musuh sak kampung teko njuk mbok tokke jurus iki, rak yo do kisruh, njuk do mencar-mencar, Nanging kan jurus iki kudu keno, ora mung nggo meden-medeni ae, man-eman ngko, dadi kudu dikombo hit list karo jurus-jurus liyane.

7. Sun Strike (Bedil Srengenge) Exort Exort Exort

Iki sak jane gambar ono geni tibo seko langit koyo neng pesawat ngebom kuwi, neng sing nulis mesti ndelok iki koyo api unggun. Jurus iki iso diinceng neng ngendi ae sak peta, lha jenenge ae srengenge, rak yo ono neng ngendi-ngendi. Lucune nek mbengi kok yo tetep iso di tokke, padahal rak yo srengengene wes turu genti sang rembulan. Ngepaskene angel, tapi nek kowe iso matene musuh nggo jurus iki iso nggo bahan mbacot.

8. Forge Spirit (Nempo Jiwo) Quas Exort Exort

Wah jenenge wangun ki, iso nggo jeneng padepokan silat. Ceritane Invoker ngetokke pokemon, soale nek kewan ketoke ora mungkin lan yo kewane ora cetho. Anggep ae kuwi salah sawijine spesies dinosaurus. Dinosauruse iso ngetokke geni nggo nembak musuh. Nek elementmu soyo wangun dinosauruse soyo akeh lan tambah kuat.

9. Ice Wall (Es krim Walls/Pager Es) Quas Quas Exort

Iki iso mlebu kosakata anyar, sak elinge penulis kuwi sing biasane digabungke karo pager kuwi pager ayu opo pager mangan taneman, neng mbangane out of topic, jurus iki marai neng ngarepe Invoker mlebu pager es, asline kuwi Invoker nggo ngantil lemah sing koyo Avatar Aang kuwi neng ora ono animasine. Iki cen neng ngarepe Invoker, dadi kowe kudu ngepaske ojo miring-miring. Nek musuhe mlebu neng pager iku bakal mlakune dadi alon lan iso di gerayangi rame-rame karo konco-koncomu.

10. Deafening Blast (Meriam marai budeg) Quas Wex Exort

Gambare ora cetho ki, sing nulis mikir iki koyo kembang api nek ono wong mati, eh pas taun baru ding. Iki paling gampang diapalke, jupuk ae siji kabeh elemen. Invoker ngetokake energi koyo Getsuga Tensho ngono lah bentuke. Boom. Njuk musuhe sing keno bakal ono tanda seru ning duwure, lan ora iso ngantil kowe (pahlawane lho) nek sing player e ngantil kowe yo tetep iso.

Lah, akeh tenan to juruse pahlawan siji iki, muga-muga artikel iki iso bermanfaat kanggo bangsa lan negara Indonesia, salam olahraga

Dota bintang kabeh:Kael, le ngetokke jurus (Invoker)

Wes suwi ra gawe postingan, reti2 wes rung sasi kliwat. Lha kuwi akeh faktor-faktore sing marai ora nulis, lan sing akeh dewe kuwi males lan ra duwe inspirasi. Nek nulis artikel ora cetho koyo ngene kuwi ora iso langsung makjleb neng ngarep kompi njuk idene iso njedul dewe, neng kudu golek inspirasi. Sing jenenge inspirasi kuwi iso teko seko ndi-ndi, lha dhalah pas neng dina lan wengi iki reti-reti duwe ide meh gawe tulisan ora bener koyo ngene.

Neng tulisan sing kaping lima iki bakal diceritakake salah sawijine pahlawan neng dolanan Dota Bintang Kabeh sing jenenge Kael. Mbuh jeneng dowone miKAEL opo liyane ora penting, sing penting jeneng neng dolanan iki Kael ae, ora kurang ora luwih. Lha Kael iki duwe gelar Invoker, mbuh kuwi jowone opo, wes jajal di jawakke neng judul artikel iki neng malah ketok ora cetho, koyo ora tau njupuk Translation English-Jowo ae, dadi ing sakteruse artikel bakal dijenengi Invoker ae.

Nek do nggumun, iki lho raine. gek pisan2 nek artikel iki di kei gambar, kuwi njupuke seko playdota.com, dadi nek meh golek referensi langsung ae browsing nek kono, ojo manut artikel ora cetho iki.

Bar iki bakal dijelaske siji-siji juruse invoker iki, sing marai pahlawan siji iki luwih wangun seko pahlawan liya-liyane yaiku dheweke duwe sepuluh jurus, tenanan ki sepuluh, sing liya-liyane gur iso papat. Dadi neng artikel iki bakal luwih dowo seko sing liyane, mergo ono sepuluh jurus sing bakal dijelaske neng kene.

Invoker kuwi gelute nganggo elemen, udu element grup band opo susu L-ment, neng koyo elemen neng Avatar sing Aang kuwi, udu Avatar sing wong-wonge do biru kabeh. Dadi invoker kuwi iso nganggo tigo element, yaiku:

Quas opo jawane Tirta(samudra), neng dolanan iki mergo banyu kuwi rak watake meneng-meneng neng iso marai kelep, dadi nek kowe nganggo element iki engko kowe dadi soyo kuat lan cepet nambah darahe

Wex, opo jawane Maruto (angin), jenenge cen mirip koyo ninja seko Konoha kae, neng iki cen tenanan jawane. Angin kuwi mlaku terus ,sok2 silir, sok2 banter, dadi element siji iki marai Invoker ngantile soyo cepet

Exort, opo jowone Dahana (geni/api) geni kuwi panas(iyo lah) lan iso marai kobong opo wae, ati wae iso diobong. Neng dolanan iki Exort marai kowe soyo pinter(ra nyambung yo) lan ngantile soyo loro (nek iki tenanan)

Lha rak yo do bingung,ndi juruse, lha kok gur telu, jarene sepuluh, wah didobosi iki..Iki durung rampung, element-element sing wes mbok jupuk kuwi iso dicampur dadi jurus, mergo iku ono sak wijine jurus sing jenenge Invoke

INVOKE :Combines the properties of the elements currently being manipulated, creating a new spell at the Invoker's disposal.

takkei boso asline, ben do mikir  Dadi element-element iki iso mbok pilih telu, iso seko salah sawijine element opo campuran, njuk kowe mencet tombol invoke njuk reti-reti ono jurus sing iso mbok nggo, angel yo njelaskene.

Misale kowe njupuk Quas telu,njuk engko element e kuwi mabur-mabur neng cerake Invoker

ki ono gambare, asline banyune gur siji neng yo ra popo lah, anggap ae ono, kari mbayangke ae kok yo susah to?

njuk to pencet tombol invoke, bentukane koyo kamus ngene loh:

Invoke

Add caption

lha dalah, kok malah metune setan koyo ngene??

Ra sah do wedi, cen raine medeni koyo sing gek moco artikel iki, intine kowe nduwe jurus siji sing iso mbok arahke neng raine musuhmu, ora pas rai yo ra popo le penting loro.

Jebul njelaske pahlawan siji iki cen angel banget top bgt..huft...dadi siji-siji juruse bakal dijelaske neng saklanjutane, rak yo do nggumun jurus sing mau kuwi asline meh nggo opo, muga-muga update terusane ora tekan rung sasi.

Dota Bintang Kabeh : Barathum,sapi/banteng le mecahke jiwo

Nah, jebul ono update meneh, saiki mbangane kesuwen introduction sing ra penting, neng bagian kali iki bakal dijelaske meneh salah sawijine pahlawan Nah, neng dolanan iki kabeh pahlawan kuwi ono gelare dewe2, ono sing ora bakal marai kowe2 do wedi koyo dene raja balung, opo sing koyo jeneng supporter bal2an ,kesatria anarki(chaos knight), tapi nek sing pahlawan salah siji iki gelare cen wangun tenan, koyo jeneng sultan Hamengku Buwono, Paku Buwono, lan Mangku Negoro. Lha, sak jane neng judul artikel iki wis ono gelare, yaiku le mecahke jiwo, mbuh kuwi piye maksude le penting jenenge wangun lan sangar.

Neng dolanan iki ora mung menungsa opo sing ra ketang koyo menungso lah sing iso gelut, pahlawan siji iki asline ora ceto kewan opo, jarene sapi neng ketoke ra bakal, dadi bakal di sebut banteng ae neng kene. Le gelut yo wangun, gamane kuwi ora sembarangan, neng sing biasa ono neng angkringan ngendhi-ngendhi yaiku LAMPU PERTAMAX eh PETROMAX deng, njuk diantilke neng musuhe, Lha njuk opo ampuhe? Asline nek misale pas dolanan Dota Bintang Kabeh iki ono sing bejone entuk le mecahke jiwo iki mesti akeh le do mbatin,a*u(Sensor) tandane pahlawan siji iki mesti ampuh lan sakti mandraguna, neng bagian saklanjute bakal diceritakke jurus2e

1. Mlayu neng pepetengan (Charge of Darkness)

Asline translatione angel, dadi neng kene yo ditulis boso Inggrise ben nggo referensi, ki ceritane barathum iki gek jogging, njuk neng nduwur raine ono timere, seko 0.5 detik tekan 4.0 detik, lha nek wis 4 detik njuk bantenge iki ucul, mlayu banter banget lan awake dadi iteng kabeh ben musuhe do wedi, koyo neng kerep do ndelok adu banteng neng Spanyol kuwi. Njuk nek tekan musuhe piye? Musuhe ceritane pingsan, lha iyo lah, neng kok gur 2 detik, kuwi yo jenenge udu pingsan soyo meneh mati suri, anggap ae kecethit sithik, eh asline yo ora disrudhuk nggo tanduke neng diantil nggo lampu petromax mau.

2. Marai cepet (Empowering Haste)

Iki yo terjemahane angel, dadi ono versi originale. Iki mlebu jurus pasif, dadi ora usah dipencet. Iki salah sawijine mantra santet sing iso marai mlayune soyo banter, ora mung ndheweke, neng iyo konco2ne, musuhe ora melu. Asline mesti yo do milih sing iso marai ngantil luwih cepet, cepet rampung gelute njuk mbayar biling gamenete ora larang-larang udu mlayu banter neng yo tetep iso dioyak. Iki yo marai ngantile le mecahke jiwo luwih loro, ora mergo petromax e luwih gedhe neng mergo persentase seko bantere mlayu ditambah neng attack e.

3. MENCELAT!!
Lha, nek iki jenenge wangun sithik, dadi kudu nggo caps lock ben luwih sangar lan dikei tandha pentung "!". Iki yo mlebu jurus pasif, dadi kowe ora sah ngeklik neng juruse neng yo tetep diklik neng musuhe. Dadi mben Barathum ngantil ono peluang musuhe kuwi mencelat adoh, asline ora adoh2 tenan. Dadi pas musuhe gek mencelat kuwi ora iso bales ngantil, ngetokke santet, neng yo tetep iso misuh2. Mungkin jurus iki sing marai ndheke entuk gelar le mecahke jiwo, mergo marai musuhe emosi lan misuh2.

4. Ngantil karo ilang (Nether Strike)

Iki terjemahane luwih ora nggenah meneh, piye meneh cen ora ono terjemahan le luwih apik meneh je. Iki jurus paling ampuhe le mecahke jiwo, ceritane cah siji iki ngilang njuk langsung ngantil salah sawijine musuhe, wis nggono nek diantil musuhe yo mencelat, dadi iso diantil meneh lan meneh. Asline bingung meh ditambah opo meneh, dadi penjelasan liyane meh podho karo jurus MENCELAT! mau lah

Iki sing iso diceritakke seko pahlawan le mecahke jiwo iki, Muga-muga ae pedoman nggo pahlawan liya2ne iso cepet dirampungke, njuk dicetak, sebarke neng pertigaan kuburan Mrican.

Dota Bintang Kabeh : Jah'rakal, rajane buto ijo sing iso kesurupan

Wis suwe banget ra nulis2 artikel le ra nggenah koyo nggene, lha jenenge blogger kok yo ra gawe2 tambahan opo2. Luweh background meh ora digenti lan ora dikei aneh2 le penting ono tambahan tulisan, reti2 ono wong sing nemokke blog iki neng google njuk dipromosikke rak yo gayeng to.

Sak jane le nulis ki pengen nggawe analisis in depth(angel njawakene) ing saben2 pahlawan sing iso dinggo ding dolanan Dota Bintang-bintang iki, tuku barang opo sek, njupuk jurus opo sek, cara2 gelut ben ora dipisuhi koncomu mergo kowe mainne goblok, njuk dikei animasi lan video ababil koyo nggono lah, neng jebul le nulis kuwi ora sekompeten iku, lha wong ijih kerep mati mainne kok yo meh nulis guide koyo nggono, kuwi podho ae ajaran le sesat. Wes nggono nek cen niate golek pedoman le nggenah kuwi akeh guide2 le nggenah koyo neng playdota.com, nek iki tenanan. Dadi neng artikel2 sing asline ora nggenah koyo ngene gur meh dijelaske sopo pahlawane kuwi, hubungane karo setting, plot, lan characteristik e(gur gojek), lan jurus2 e, sokur2 iso ditambahe gojekan lha nggenah.

Wes rampung lah bagian introductione, neng bagian kali iki bakal diceritakke salah sawijine pahlawan perang suci Baratayudha sing jenenge Jah'rakal, ra sah golek neng bagiane Pandawa utawa Kurawa mergo pahlawan sing siji iki kuwi ora mlebu endi2. Ceritane iki Jahrakal kuwi bangsa troll, rak yo angel golek kata neng boso Jawane, dadi Jahrakal kuwi anggap ae kolor ijo, eh udu ding, buto ijo sing mbiyen dilawanke karo Werkudoro. Nah, nek asline buto ijo kok yo mlebu pahlawan, iki ra bener.Neng game iki cen kabeh kuwi mlebu "hero:" sing jawane pahlawan.

Buto iki yo gelut ora nggo tangan kosong, neng nggo gaman.Udu keris soyo meneh bedil, neng gamane kuwi kapak 212 ne Wiro Sableng, nek gelut kuwi bisa dibalangke neng musuhe opo diantilke neng raine musuhe. Dadi ceritane buto iki fleksibel, wis nggono meneh awake rak ijo kabeh, jajal ae dilebolke alas nek dioyak musuh mesti yo tetep ae kowe sing dipateni. Lho, nek nggono opo apike? Neng bagian iki bakal diceritakke jurus2 buto ijo iki secetho-cethone.

1. Berserker Rage (Nesu Tenanan)

Iki juruse buto ijo sing nek diklik kowe bakal genti2 gamane, udu jenenge neng cara nganggone. Sakjane kowe kuwi mbalang kapak neng raine musuh, tapi nek jurus iki mbok pencet kowe bakal nyerang seko cerak. Lha nek nggono malah cerak musuh, opo apike? Jurus iki iso marai musuh sing mbok antil kuwi meneng selama 2 detik, udu mergo mouse opo keyboarde rusak neng mergo mumet, neng nduwur awake bakal ono tanda muter2.

2. Wuto

Jelas ae sing wuto kuwi udu buto ijone, neng yo musuhe amarga iki udu cerita Si Buto Ijo saking Gua Hantu. Ceritane jahrakal iki mbalang pasir neng mripate pahlawane musuh, njuk ceritane nek musuhe meh ngantil sok2 ora keno, njuk ono tulisan abang gedhe" DILARANG PARKIR" , asline udu seextrim kuwi, neng kulisane gur cilik (MISS), dadi buto ijone ora diantil musuh. mbuh nek sing maenke nesu2 njuk ngantil kowe mergo pahlawane ora iso nyerang jahrakal, kuwi lain ceritane.

3. Fervor

Nah, jurus iki ora reti terjemahane opo, asline terjemahan indonesiane semangat, neng jujur ae namane ora sangar dadi mending boso latine ae, jurus iki marai ben kowe ngantil musuh soyo suwi ngantile soyo cepet. Iki ono persentasene ,lvl 1 5% tekan level 4 20%, neng mbuh tenanan opo ora semono, le penting ngantile soyo cepet, soyo cepet matine, soyo cepet entuk duwite, Nek ono sing meh ngitung yo mangga..

4. KESURUPAN

jenenge ora salah, cen Trance kuwi terjemahane KESURUPAN. dadi buto ijo kuwi rak mlebu demit, lelembut,lan liya2ne, nek wis level 6 iso ngundang konco2ne ben mlebu neng awake lan konco2ne. Lha piye kuwi? Ampuhe jurus iki ngantile dadi soyo cepet, cen koyo wong kesurupan, dadi 60-140 %, ora mung neng kowe neng iyo neng konco2 sing mbuh gek gelut opo gek dolanan botol. Dadi iki jurus le ampuh lan iso dinggo ben bulan purnama jum'at kliwon (asline gur 20 detik)

Dadi kuwi sekilas tentang pahlawan dino iki, Jahrakal le rajane buto ijo sing iso kesurupan. Nek cen mergo moco iki dadi kepengen maen jajal ae mbukak petunjuk2 le luwih nggenah mbangane sing iki, muga2 bakal cepet ono update meneh.

Postingan Maret

mbangane kosong, ra ono postingan opo2. jane meh gawe pedoman nggo pahlawan pahlawan liyane sing iso digunakake ning dolanan Dota Bintang Kabeh neng saiki jebul ono tugas poetry (nek iki tenanan) gawe paper nggo suk Selasa lan jujur ae, nggo gawe kuwi durung ono inspirasi opo2, malah ki fokuse terbelah dadi akeh, ono lomba bal balan neng JEC sesuk Jum'at (11 Maret 2011) barengan karo pameran komputer. Dadi sing nulis meh vakum sek, sisan nggolek inspirasi nggo essay2 liyane sing bakal di posting ning blog sing durung sido digenti backgrounde iki.

Announcement (ketoke judule salah)

Koyo sing follow wis akeh ae, anyway bagi sing seneng maennke Kardel Mripate Tajem guide ne ra iso meneh diwoco ning website iki (halah), neng iso diwoco ning blog e rencang kawula ingkang asminipun Samuel Richard Kevin, on the other hand, ki ketoke blog iki bakalan rodho nggenak sithik amarga wis ono tugas2 seko mata kuliah IT, muga2 ae sing ngeblog iki wis dong cara2ne genti template ben sing moco rodho seneng sithik.

Update Sakjanjutane (mboh kapan)

Jahrakal, Rojone Buto Ijo
Barathum, le mecahke jiwo(wangun tenan jenenge)

Wis sek yo dab!

Dota Bintang Kabeh : Naix'le nyolong urip lan le dadi jeneng blog iki

Nuwun kaliyan panjengengan sedaya ingkang sampun kepareng mirsani blog kawula. Kawula niki mung manungsa biasa ingkang ora sampurna lan saget lepat(halah). Mugi-mugi panjengengan saged kahibur, ngguyu-ngguyu dewe, mboten marga postingane lucu nanging amarga ingkang kagungan blog mboten saged nggantos ngguri latar (background, sok2an di jawakke, padahal yo salah).


Kesel nggo kromo, bar iki boso burjonan ae yo


mumpung wis nggawe blog, neng jih bingung meh di isi opo, gek ra mood ngedit2 background opo liya-liyane, opo setidakke nulis artikel sing rodo nggenah sithik, neng posting kang pertama iki bakal ono tips, udu tips golek jodho opo garap poetry, neng tips nggunakake salah sawijining pahlawan ning game gaweanne kodok es sing jenenge DOTA Bintang Kabeh. Asline meh gawe posting nggo boso Inggris ben wangun sithik, neng engko malah dipikir plagiat, lha nek nggo Jowo rak orisinal banget ora yo?


Dolanan iki wis famous ket jaman sing lagi nulis iki jih SMP, asline dolananane ket mbiyen yo ra ono improvisasi, yo nggono-nggono ae ket mbiyen, (bal-balan yo asline ket mbiyen cen sewelas lawan sewelas, neng sering ono sebutan pemain ke dua belas, halah dadi off topik). Lha nek dolanan iki gur iso limo lawan limo, padahal seko jenenge ae(nggo Inggris ae yo) DEFENCE OF THE ANCIENTS, defence rak kudune akeh, koyo nek bal-balan bar ngegolke pemainne mundur kabeh. Conto liyane pas jamane penulis SMA nek meh di drop karo SMA liyane kuwi le nggumpul neng Obelix(jeneng nggon) kuwi tiap kelas kudu setor, lha nek dolanan iki kok gur iso limo lawan limo, piye jal kuwi?


Mau rak wis ditulis nek dewe kuwi senggele udu karo sing maen liyane, nek ngganggo karakter virtual jenenge Hero supermarket, lha dewe kon milih siji wae, padahal piliane tekan satus luwih. Hla herone kuwi sengojo di seimbangke ben gelute seru, ora nek dewe milih hero nggo senapan terus kari mbedil ae njuk musuhe tibo, dadi neng game iki kowe mbedil karo diantil nggo tangan ae malah loro nek diantil nggo tangan. Wis nggono yo mlakune digawe podo bantere, ono sing numpak jaran ning iso dioyak karo sing ngesot.


Wis semono ae yo pengantare, saiki bakal diceritakke lakonne sing nulis. Kuwi jenenge N'aix, nek bingung nggoleke yo golek ae le rupane koyo tonggomu, eh salah koyo zombie ding. Gelare wangun, lifestealer opo boso wangune nyolongurip, kuwi wangun dewe jenenge, mbangane nggolek getih(bloodseeker)raja balung(Skeleton King), opo ra duwe rai, wis ngono kosong meneh (Faceless Void). Sak jane ono sing jenenge yo wangun meneh mecahkejiwo(SpiritBreaker) neng izih kalah nggentho mbangane HamengkuBuwono( off topik meneh)


Nek podho nggumun, nggopo zombie dipilih, ra iso mlayu, bar kuwi nek kowe ndelok film2 koyo Resident Evil po AngkerBatu kuwi dibedil ndase ae wis koit. Iki bedo dab, zombiene iki wis diimprove, dibedil ora mati, diantil soyo meneh, diobong nggo geni ae ra mati, tapi nek warnete mati lampu yo zombiene melu mati. Ceritane nyolongurip iki wangun banget, lha iki tak ceritakke jurus-juruse.


1. Rage/Nesu
nyolongurip awake dadi tambah gedhe, awake njuk dipilox iteng kabeh tekan raine ora ketok. Njuk nggraut-nggrauti lawane koyo kethek po kucing, sing paling wangun kuwi pas ndheke nesu, musuhe meh nyantet ora iso keno, dadi dheweke dadi kebal nggono lah. Lha neng ono eleke, kuwi gur sedelok banget, 4,5 detik. Lha kuwi rak podho wae nggataki, nek yo kudu digawe koyo nggono lah, engko mbangane wong limo do milih naix kabeh.

2.Feast/nguntal
Ki jurus pasif, artine do ra sah mencet wis otomatis metu dewe, neng yo ojo lali di arahke musuhe. Iki ceritane naix nyokot musuhe koyo neng film2 zombie kuwi, neng mergo ora ono animasine dadi gur nyakar ae. Ampuhe jurus iki dadi nyowone musuh pindah neng nggonane dewe, dadi jenenge nyolongurip. Persentasene 4-7%, misale nek musuhe nyawane 1900 yo diitung dewe, lha sing nulis iki UAN matematikane gur entuk 4,26 je


3. Open Wounds/ Lukane mengo
Ki asline meh podho karo jurus ngguntal sing mau, neng bedane musuhe dadi ono animasine coklat2 ngono lah(angel le njelaskene)njuk musuhe dadi lemah syahwat, mlakune alon banget, neng ijih iso mbales nggantil awake dhewe, wangune jurus iki ora mung dewe sing iso nyolonguripe musuh, neng konco2ne dewe yo iso melu, padahal yo asline ra melu nyokot, malah ono sing mbedil jo nyawane tambah, piye jal kuwi?


4. Infect/Infeksi
Iki jurus paling maut(sakjane) neng asline paling ra cetho. Ceritane Naix dadi parasit po benalu mbuh njuk mlebu neng awake musuhe(ora iso hero musuh, engko ndak malah mlebune seko saluran *******(sensor, engko ndak diban)kuwi asline nggo ndelik, neng yo anak buahe dewe pekok, mesti nyerang musuh, ora mbalik markas, padahal sakjane rak dewe meh ndelik, ujung2ne anak buahe mati njuk dewe melu koit, akhire sing maen misuh2


Wis semono ae sing meh diceritakkake, asline meh dijelaske cara-cara gelut nggo nyolongurip neng neng ra nggo animasi ngko bingung, lha jujur ae sing gawe ora dong, background ae ra digenti-genti, Nek misale dadi yo ngko bakal diceritake lakon-lakon liyane sing ora kalah wangun, koyo tombak ra cetho (Phantom Lancer) lan liya-liyane, tekan sesok (kapan-kapan)


btw ki asline iso digawe paper, njuk dipresentasikke ning kelas Poetry

UPDATE

lha, iki rak sakjane jih pembukaan, nek kelas writing IV pas diajari nggawe essay kuwi jenenge introduction. Sakjane meh diteruske, neng sing nulis gek ora duwe inspirasi opo2 nggo nulis, ki pas gek ae entuk wangsit meh jajal diteruske guide/kepekan iki, sakjane komputere gek error, koneksine cenat-cenut, muga2 ae ra ngadat tengah dalan le nulis. (ki asline ra penting, gur ben ketok akeh ae)


Asline le nulis iki ra tau gawe guide, dadi wajar wae nek layout e ra cetho ngene, anyway neng bagian iki bakal dijelaske kelebihane lan kelepatanne le nyolong urip.


Plus'e
1. Jagoan nek gelut siji lawan siji
2. Iso nggo bahan mbacot, mergo mateni okeh
3. Angel matine


Elek'e
1. Ngganggone angel, soyo meneh pas awal2 maen
2. Jebul matine gampang, nek keruyukan

 Saiki bakal dijelaske kapan paling apik nek kowe meh milih le nyolong urip, ben ra ngisin2i dipateni karo musuh tekan dua digit.


Kapan apike milih le nyolong urip
1. Musuhe akeh le nganggo tipe kuat/Strength(asline ra sah dijawakke), soyo neh nek ono le   ganggo Barathum, le mecahke jiwo, iki pahlawan wajib dinggo
2. Gek bingung meh milih opo


Lha, asline le nulis blog iki ae arang2 nggo Naix, iki musuh2 sing angel dilawan
1. Sing ngetokke santet(tipe INT), asline Naix kuwi kebal santet, neng yo gur 4detik
2. Le nyerange banter banget, koyo Rikimaru lan konco2ne


Jebul iki ketoke wis kakehan, nek misale ono sing moco rak yo wis males nek diteruske, dadi bakal diteruske seluk beluk pahlawan siji iki neng postingan saklanjute(muga2 ae ora suwi)